როგორც ხედავთ, კონცეპტუალურ off-roader Hummer HX-ს შესაშური გეომეტრიული „გამავლობა“ ახასიათებს.

დეტროიტის ავტოსალონი ჯერ არც კი დაწყებულა და General Motors-მა უკვე გამოაქვეყნა ინფორმაცია კონზეპტზე - Hummer HX. იგი ზემოთ ნახსენებ ცერემონიალზე იქნება წარდგენილი. უნდა ითქვას, რომ GM -ით უკმაყოფილო არავინ დარჩება. კონცეფცია ძალიან საინტერესო გამოვიდა. რაც მთავარია - ჭეშმარიტი ყველგანმავალის სული იგრძნობა.

თქვენ აღჭურვილობას შეხედეთ! სრული ამძრავი, ძლიერი ძრავი, უზარმაზარი პნევმატიკები განვითარებული გრუნტ-მომჭიდებით... ინჟინერები პერსონალური აკუმულატორების ფანრების შექმნასაც არ დაზარდნენ. თუმცა ეს ყველაფერი საბარგულის შესაძლებლობების ფონზე აღასანიშნავადაც კი არ ღირს. ზუსტად 5 წუთი და - სრულფასოვანი open-air-ს მოწყობა შეიძლება. ფაქტიურად ავტომობილს ყველაფერი (სახურავიც კი) „ძვრება“.

HX - მანქანა-ადრენალინია. იმ ოთხეულს, ვისაც ბედნიერება ექნებათ ჰამერის სპორტულ სკამებზე მოთავსდნენ, ყველა შურის თვალით შეხედავს.

მომხმარებელი დღეს ძალიან მომთხოვნია. მეწარმეს კი არაფერი დარჩენია გარდა იმისა, რომ მისი ყველა კაპრიზი დააკმაყოფილოს. რეგულირეგადი ერგონომიკა და „პადვესკა“ ცოტაა - მას ცვალებადი გარეგნობა და თავს ზემოთ ღია ცა სჭირდება.

ადრე მხოლოდ ვარაუდი თუ შეგვეძლო, ახლა კი დანამდვილებით ვიცით, რომ 4-ადგილიან ჯიპში ეკოლოგიური ძრავი SIDI - იქნება FlexFuel - ტექნოლოგიით. მას ბენზინზეც შეეძლება მუშაობა და E85-მარკის ბიოეთანოლზეც. 3.6 ლ მოცულობა - ბევრ რამეზე მეტყველებს. ამერიკელებმა უკეთესი ვერაფერი მოიფიქრეს და ავტომობილზე ჰიდრო-მექანიკური კოლოფი დააყენეს. რას ვიზამთ, ჰიდრო-მექანიკა შეიძლება ძველი ცნებაა, სამაგიეროდ დიდი გამოცდილების პატრონიცაა.

HX -ს ნავიგაცია მულტიმედიური სისტემის სახით მოქმედებს. მას გარე USB-დამგროვებლებთან და iPod და iPhone-სთან შეუძლია მუშაობა.

რომელ ჯიპს შეუძლია სრული ამძრავის გარეშე არსებობა? General Motors-ი სიამაყით აცხადებს, რომ წინა და უკანა დიფერენციალები ავტომობილში ბლოკირებადია, ხოლო ტრანსმისიის დაბალ რიგზე სდუმს. კონცეპტის მომავალი გაურკვეველია. თუმცა ვინ იცის, ეგებ ძალიან მალე, Hummer HX-ში რეალიზებული იდეები კონვეირზეც განხორციელდეს და Hummer H3 ან H4-ს ბაზაზე დამზადებული ექსტრემალური ყველგანმავალიც მივიღთ.